საქართველოს მასშტაბით 468 სკოლაში სასწავლო პროცესი შეწყვეტილია

ამ დროისთვის არსებული ინფორმაციით, საქართველოს მასშტაბით სასწავლო პროცესი 468 სკოლაშია შეწყვეტილი. განათლებისა და მეცნიერების სამინისტროს მონაცემებით, აქედან 267-ში სწავლა გრიპის ვირუსის, 201-ში კი უამინდობის გამოა შეჩერებული.

"გრიპის ვირუსის გავრცელების პრევენციის გამო სკოლებში სასწავლო პროცესის მიმდინარეობაზე, საქართველოს განათლებისა და მეცნიერების სამინისტრო მონიტორინგს უწყვეტად აგრძელებს. 27 იანვრის საღამოს მონაცემებით, მოსწავლეთა გაცდენების მაჩვენებელი შეიცვალა. კერძოდ, 195 საჯარო სკოლას, სადაც დილის მონაცემებით სასწავლო პროცესი შეჩერებული იყო, საღამოს 72 დაემატა და საბოლოო ჯამში, საქართველოს მასშტაბით, 267-ს შეადგენს. საქართველოს განათლებისა და მეცნიერების სამინისტრო მონიტორინგს ახორციელებს როგორც დღის, ასევე შუადღის ცვლის მოსწავლეთა დასწრებაზე. თუმცა, სავარაუდოა, რომ ბავშვთა გარკვეულ რაოდენობას მშობლები სკოლაში პრევენციის გამო არ უშვებენ", - ნათქვამია განათლების სამინისტროს განცხადებაში, რომელიც უწყებამ გუშინ საღამოს გაავრცელა.

უწყების გადაწყვეტილებით, 3 დღით სასწავლო პორცესი იმ კონკრეტულ სკოლებში შეჩერდა, სადაც გაცდენების რაოდენობა 20%-ს აღემატება. გაცდენილი საათები კი შაბათი დღეების ხარჯზე ანაზრაურდება. რაც შეეხება დიდთოვლობის გამო სასწავლო პროცესის შეჩერებას, სკოლების რაოდენობა უცვლელია და ამ დროისთვის ის 201 სკოლას შეადგენს.

სკოლების სია, სადაც ვირუსის გავრცელების გამო შეჩერებულია სასწავლო პროცესი

სკოლების სია, სადაც მეტეოროლოგიური პირობების გამო შეჩერებულია სასწავლო პროცესი