რუსეთი თურქულ პროდუქციაზე ახალი ემბარგოს დაწესებას არ გამორიცხავს

"როსსელხოზნადზორმა" შესაძლოა თურქეთიდან იმ პროდუქციის შეტანა აკრძალოს, რომელზეც დღემდე სანქციები არ ვრცელდებოდა. როგორც რუსული მედია იტყობინება, ამის შესახებ უწყების ხელმძღვანელის თანაშემწემ ალექსეი ალექსეენკომ განაცხადა. მისი თქმით, "როსსელხოზნადზორი" უახლოეს კვირებში მიიღებს გადაწყვეტილებას, რამდენად უსაფრთხოა რუსულ ბაზარზე შეტანილი თურქული პროდუქცია. "როსსელხოზნადზორში" აცხადებენ, რომ აკრძალვა შესაძლოა, თურქულ პროდუქციაში ფიტოსანიტარული დარღვევების გამო დაწესდეს. რუსეთმა თურქეთს სასურსათო ემბარგო 1 იანვარს დაუწესა.