თურქეთის პროვინცია ყარსში ბაქო-თბილისი-ყარსის რკინიგზის მშენებლობა დაჩქარებული ტემპით მიმდინარეობს.
ინფორმაციას ამის შესახებ აზერბაიჯანული მედია ავრცელებს.
ადგილობრივი ხელისუფლების ცნობით, ამინდის პირობების გაუმჯობესებასთან ერთად, მშენებლობის პროცესი კიდევ უფრო დაჩქარდება.
„ბაქო-თბილისი-ყარსის რკინიგზის მშენებლობა მიმდინარე წელს დასრულდება“, - აცხადებენ ყარსის პროვინციის მუნიციპალიტეტში.
თავის მხრივ, აზერბაიჯანის რკინიგზის პრესსამსახურის უფროსმა ნადირ აზმამედოვმა განაცხადა, რომ მიმდინარე წლის ზაფხულში აზერბაიჯანი მიიღებს კომპანია Stadler Rail Group-ის პირველ 10 სამგზავრო ვაგონს, რომელიც ბაქო-თბილისი-ყარსის მაგისტრალის ექსპლუატაციისთვის არის განკუთვნილი.
მისივე ინფორმაციით, აღნიშნული ვაგონების წარმოება გასული წლის სექტემბერში დაიწყო.