კომიტეტმა პრეზიდენტის მიერ წარდგენილი კობა გვენეტაძის კანდიდატურას მხარი დაუჭირა
პარლამენტის დარგობრივი ეკონომიკისა და ეკონომიკური პოლიტიკის კომიტეტმა ეროვნული ბანკის საბჭოში კობა გვენეტაძის კანდიდატურას მხარი დაუჭირა.
ფარულ კენჭისყრაში პარლამენტის 9 წევრმა მიიღო მონაწილეობა. კითხვაზე – უჭერთ თუ არა მხარს გვენეტაძის კანდიდატურის პარლამენტის პლენარულ სხდომაზე გატანას, კენჭისყრაში მონაწილე 8 დეპუტატმა დადებითი პასუხი გასცა. შესაბამისად, წინააღმდეგი კომიტეტის მხოლოდ 1 წევრი წავიდა.
ფარულ კენჭისყრამდე კომიტეტმა კობა გვენეტაძეს მოუსმინა.