„ურალის ავიახაზები“ საქართველოში რეისების სიხშირის გაზრდას გეგმავს
რუსული ავიაკომპანია „ურალის ავიახაზები“ საქართველოში ავიარეისების სიხშირის გაზრდას გეგმავს.
avia.pro-ს ინფორმაციით, ამჟამად რუსული ავიაკომპანია საქართველოში მხოლოდ ერთ რეგულარულ რეისს ახორციელებს.
„ თუ ავიაოპერატორის ხელმძღვანელობა საქართველოს წარმომადგენლობასთან ავიარეისების რაოდენობის გაზრდაზე შეთანხმებას მიაღწევს, „ურალის ავიახაზები“ საქართველოში კვირაში 6-ჯერ იფრენს“, - ნათქვამია avia.pro-ს გავრცელებულ განცხადებაში.
ხვალიდან „ურალის ავიხაზები“ მოსკოვი-ქუთაისის მიმართულებით კვირაში ორჯერ იფრენს. ზაფხულიდან კი რეისების სიხშირეს კვირაში სამამდე გაზრდის.