შოკოლადში პლასტმასის აღმოჩენის გამო, Mars პროდუქციას 55 ქვეყნიდან გაიწვევს

შოკოლადის მწარმოებელი ამერიკული კომპანია Mars Inc. შოკოლადში აღმოჩენილი პლასტმასის გამო, პროდუქციას მსოფლიოს 55 ქვეყნიდან გაიწვევს.

კომპანიის ინფორმაციით, გერმანიაში 8 იანვარს შეძენილ „სნიკერსში“ წითელი პლასტმასი აღმოჩნდა. კონკრეტული შოკოლადი ჰოლანდიის ქალაქ ფეხელში მდებარე საწარმოში იყო დამზადებული.

წინასწარი ინფორმაციით, შოკოლადში პლასტმასის ერთ-ერთი დეტალი მოხვდა, რომელიც წარმოებაში გამოიყენება.

კომპანიის ცნობით, გაწვევა შეეხება Mars, Snickers, Milki Way Minis, Milki Way Miniatures და Celebrations-ის კანფეტების ნაკრებს, რომელთა ვარგისიანობის ვადა 2016 წლის ივნისამდე და 2017 წლის იანვრამდეა.

ნიდერლანდებში მდებარე „მარსის“ საწარმო პროდუქციით მთელ მსოფლიოს ამარაგებს. ეს პირველი შემთხვევაა საწარმოში, რომელიც 1963 წლიდან მუშაობს.

იხილეთ ვიდეო PALITRANEWS-ზე