ტყიბულში მაღაროელებმა ადმინისტრაციის შესავლელთან კარვები დაშალეს. ტყიბულში აქციის მონაწილეებმა გაფიცვა შეწყვიტეს და მაღაროებში საწარმოო პროცესი სრულად აღდგა.
როგორც მაღაროელები აცხადებენ, მოხდა შეთანხმება მათსა და კომპანია "საქნახშირი ჯი-აი-ჯი ჯგუფის" ხელმძღვანელობას შორის და ისინი შახტაში დაბრუნდნენ სამუშაოდ.
შეთანხმების დოკუმენტის თანახმად, 1-ელი მარტიდან მოხდება მათი ხელფასების 7%-ით მომატება. 1-ელი აპრილიდან 7%-იან მატებას დაემატება 3% და მათი ხელფასები მთლიანობაში 10%-ით გაიზრდება. ასევე მათ ნაწილობრივ აუნაზღაურდებათ გაცდენილი დღეები.