1959 წლის შემდეგ პირველად, ამერიკულმა კომპანიამ კუბასთან შეთანხმება გააფორმა

სასტუმროების ამერიკულმა ქსელმა Starwood Hotels & Resorts Worldwide-მა კუბასთან ხელშეკრულება გააფორმა.

„როიტერის“ ინფორმაციით, ეს პირველი მსხვილი ამერიკული კომპანიაა, რომელიც ვაშინგტონსა და ჰავანს შორის ურთიერთობის განახლების შემდეგ კუბაზე დაბრუნდა.

კომპანია ჰავანაში რამდენიმე მილიონიან ინვესტიციას განახორციელებს სასტუმროების სფეროში.

თითქმის 90 წლის შემდეგ პირველად, კუბაში ხვალ აშშ-ის პრეზიდენტის ოფიციალური ვიზიტი დაიწყება. ვიზიტის ფარგლებში ბარაკ ობამა კუბას ლიდერს რაულ კასტროს შეხვდება.