ევროკომისარი ვაჭრობის საკითხებში სესილია მალმსტრომი საქართველოს ეწვია
საქართველოში ევროკომისარი ვაჭრობის საკითხებში სესილია მალმსტრომი ჩამოვიდა.
ევროკომისიის ვებ-გვერდზე გამოქვეყნებული ინფორმაციის თანახმად, ვიზიტის ფარგლებში ევროკომისარი საქართველოს პრეზიდენტ გიორგი მარგველაშვილს, პრემიერ-მინისტრ გიორგი კვირიკაშვილს, საგარეო საქმეთა მინისტრ მიხეილ ჯანელიძეს და ვიცე-პრემიერს, ეკონომიკისა და მდგრადი განვითარების მინისტრ დიმიტრი ქუმსიშვილს შეხვდება.
გარდა ამისა, გაიმართება შეხვედრა ევროკავშირ-საქართველოს ბიზნესსაბჭოში (EUGBC). ვიზიტის ფარგლებში სესილია მალმსტრომი ეკონომიკის საერთაშორისო სკოლაში (ISET) სტუდენტებისა და ჟურნალისტებისთვის ლექცია-დისკუსიას გამართავს.