კვიპროსის ლარნაკას აეროპორტი დაიკეტა. როგორც მედია იტყობინება, ყველა თვითმფრინავი კვიპროსის სამხრეთ-დასავლეთში მდებარე პაფოსის აეროპორტში ჩადის. ამის შესახებ ტელეკომპანია CNN-ს კვიპროსის სამოქალაქო ავიაციაში განუცხადეს.
ლარნაკას აეროპორტში ამ დრომდე დგას ეგვიპტეში გატაცებული თვითმფრინავი. ადგილობრივი ხელისუფლება გამტაცებელთან მოლაპარაკებებს აწარმოებს.
ბოლო ინფორმაციით, ბორტზე იმყოფებიან ეკიპაჟი და 4 მგზავრი.