მსოფლიო ბაზარზე ნავთობის ფასი დაეცა.
„როიტერის“ ინფორმაციით, დღევანდელი დილის მონაცემებით, „ბრენტის“ მარკის ნავთობი 45 ცენტით გაიაფდა და ბარელზე 38,81 დოლარი შეადგინა.
53 ცენტით დაეცა WTI-ის ნედლი ნავთობის ფასი, რომელმაც ბარელზე 37,79 დოლარი შეადგინა.
„ბლუმბერგის“ ცნობით, ანალიტიკოსთა განცხადებით, ნავთობზე ფასის დაცემა აშშ-ში ნავთობის მარაგების ზრდას მოჰყვა, რომელმაც 80 წლის რეკორდულ ზღვარს მიაღწია.
გასულ კვირას აშშ-ში ნავთობის მარაგები 2,3 მილიონ ბარელამდე გაიზარდა.