იაპონიაში „ჭკვიან“ მეგაპოლისს ააშენებენ

2018 წლისთვის იაპონიის ქალაქ იოკოჰამასთან ახლოს ხელისუფლება „ჭკვიან“ მეგაპოლისს ცუნაშიმას ააშენებს.

პროექტის რეალიზაციაში იაპონიის 10 მსხვილი კორპორაცია მიიღებს მონაწილეობას.

ქალაქში სამეცნიერო ლაბორატორიები, კეიოს უნივერსიტეტის სტუდენტური კამპუსები, სავაჭრო ცენტრი და სხვადასხვა ინფრასტრუქტურა მოეწყობა.

გარდა ამისა, ქალაქში განთავსდება „ენერგოცენტრი“, რომელიც ელექტროენერგიის წარმოებას უზრუნველყოფს და მთელს ქალაქს ეკოლოგიურად სუფთა ელექტროენერგიით მოამარაგებს, რისი წყალობითაც 40%-ით შემცირდება გამონაბოლქვი, 30%-ით კი წყლის მოხმარება.

რაც შეეხება ბუნებრივ აირს, „ჭკვიანი“ მეგაპოლისი გაზს ახალი, სეისმომდგრადი გაზსადენებით მიიღებს, რომელიც ბუნებრივი სტიქიის დროსაც კი არ დაზიანდება.

ქალაქის შესასვლელი და გასასვლელი ვიდეოთვალით იქნება აღჭურვილი, რომელიც ყველა შემსვლელსა და  გამსვლელს დააფიქსირებს.

ქალაქის მოსახლეობის ბინები აღჭურვილი იქნება Smart HEMS-ით, რისი წყალობითაც ბინის მცხოვრებლები კომფორტულად ცხოვრებას ეკოლოგიურად სუფთა გარემოში შეძლებენ.