ნიუ იორკის საერთაშორისო ავტოშოუმ (NYIAS), რომელიც 23 მარტს ოფიციალურად გაიხსნა, რამდენიმე მსოფლიო დებიუტს უმასპინძლა. მიუხედავად იმისა, რომ სუპერ და ჰიპერ ავტომობილების დებიუტები, ძირითადად, ჟენევის ავტოშოუზე ხდება, ნიუ იორკის მოტორშოუ მისი მასშტაბურობით ნამდვილად ერთ-ერთი უმსხვილესი და პრესტიჟულია ავტოსამყაროში. თუმცა, იქ მოხვედრას ყველა ვერ ახერხებს, ვინაიდან ზოგიერთებმა ჩვენება უკვე წარმოადგინეს დეტროიტისა (იანვარში) და ჟენევის (მარტის დასაწყისი) ავტოშოუზე, ზოგიც თავს ინახავს ჩინეთის (პეკინი/შანხაი) მოტორშოუსთვის. შესაბამისად, წლევანდელი ნიუ იორკი შედარებით მოკრძალებული იყო.
რაც შეეხება კონკრეტულ პრემიერებს, წლევანდელ შოუზე კვლავ ყურადღების ცენტრში იყო გერმანული Mercedes-Benz, რომელიც 5 მსოფლიო პრემიერით წარსდგა. აქედან უმთავრესი სერიული წარმოებისთვის მზა GLC Coupe და C63 კაბრიოლეტი იყო. ასევე დიდი ინტერესი გამოიწვია Audi R8-ს კაბრიო ვერსიამ და Nissan GT-R-ის განახლებულმა ვარიანტმა.
რაც შეეხება კონცეპტებს, მსოფლიო პრემიერით წარსდგა სამხრეთ კორეული ”ჰიუნდაი” პრემიალური ხაზის Genesis-ის ახალი სედანით და ნაღდი ამერიკელი Lincoln Navigator.
ნიუ იორკის მნიშვნელოვანი დებიუტების ჩამონათვალი ასე გამოიყურება.
სერიული წარმოებისთვის მზა:
Acura MDX
Audi 2017 R8 Spyder
Buick Encore
Chevrolet Camaro ZL1
Kia Cadenza
Mercedes-Benz AMG E43 Sedan
Mercedes-Benz AMG GLC43
Mercedes-Benz CLA250, AMG CLA45
Mitsubishi Outlander PHEV
Mitsubishi Mirage G4
Nissan GT-R
Nissan Titan
Spyker C8 Preliator
Subaru Impreza
Toyota Highlander
Toyota Prius Plug-In
Toyota 86
კონცეპტუალური:
Genesis sedan
Lincoln Navigator
კოკა კვირკველია