რუსულმა „ფორბსმა“ რუსეთის 200 ყველაზე მდიდარი ადამიანის რეიტინგი გამოაქვეყნა.
რეიტინგის თანახმად, რუსეთის ყველაზე მდიდარი ადამიანი „ნოვატეკისა“ და „სიბურის“ მფლობელი ლეონიდ მიხელსონია, რომლის ქონებაც 14,4 მილიარდი დოლარია. მეორე პოზიციაზეა „ ალფა ბანკის“ პრეზიდენტი მიხაილ ფრიდმანი - 13,3 მილიარდი დოლარით, მესამეზე კი „მეგაფონის“ მფლობელი ალიშერ უსმანოვი - 12,5 მილიარდი დოლარით.
რეიტინგში 11 წლის შემდეგ პირველად დაბრუნდა „იუკოსის“ ყოფილი ხელმძღვანელი მიხეილ ხოდორკოვსკი, რომლიც რეიტინგში 170-ე პოზიციას იკავებს 500 მილიონი დოლარის ოდენობის ქონებით.
დაპატიმრებამდე, 2003 წელს ხოდორკოვსკი რუსეთის ერთ-ერთი ყველაზე მდიდარი ადამიანი იყო, რომლის ქონება 15 მილიარდ დოლარს შეადგენდა.
მიხეილ ხოდორკოსვკი რუსეთში ორჯერ გაასამართლეს. „იუკოსის“ ყოფილი თავკაცი 2013 წელს შეწყალების შედეგად პატიმრობიდან გათავისუფლდა. ამჟამად ის ლონდონში ცხოვრობს.