რუსეთის პრეზიდენტის ვლადიმერ პუტინის წლიური შემოსავალი გაიზარდა და 2015 წელს 135,3 ათასი აშშ დოლარი შეადგინა.
ასეთ მონაცემებს შეიცავს რუსეთის პრეზიდენტის ოფიციალურ ვებგვერდზე გამოქვეყნებული ქონებრივი დეკლარაცია.
დოკუმენტის თანახმად, პუტინი 1 500 კვადრატული მეტრის მიწის ნაკვეთის, 77 კვადრატული მეტრის ბინისა და ავტოფარეხის მფლობელია. მის საკუთრებაშია ასევე რუსული წარმოების სამი ავტომობილი.
რაც შეეხება რუსეთის მთავრობის სხვა წევრებს, გასულ წელს პრემიერ-მინისტრ დიმიტრი მედვედევის შემოსავალმა 8,8 მილიონი რუბლი შეადგინა.