ტელეკომპანია Palitranews ახალ პროექტს იწყებს

ტელეკომპანია Palitranews ახალ პროექტს იწყებს. „ჩემი კითხვა“- ასე ჰქვია გადაცემას, რომელიც მაყურებელს საშუალებას მისცემს, ქვეყნის პირველ პირებს და ოპოზიციის ლიდერებს პირდაპირ ეთერში, სახლიდან გაუსვლელად დაუსვას კითხვა.

გადაცემის პირველი სტუმარი ვიცე-პრემიერი, ეკონომიკის მინისტრი დიმიტრი ქუმსიშვილი იქნება. გადაცემაში მონაწილეობის მსურველებმა შეკითხვა Palitranews-ის “ფეისბუქის” გვერდზე პარასკევამდე უნდა განათავსონ, პასუხს კი ტელეკომპანია Palitranews-ის პირდაპირ ეთერში, უშუალოდ მინისტრისგან მიიღებენ.

გადაცემას ჟურნალისტი ირაკლი მაისურაძე წარუძღვება.

„ჩემი კითხვა“ ქართულ ტელესივრცეში ინოვაციური პროექტია. Palitranews-ი მაყურებელთან და მთავარ სტუმართან ურთიერთობისთვის Google Hangout-ს გამოიყენებს. სწორედ Google Hangout-ის საშუალებით ერთდროულად ათ მოქალაქეს შესაძლებლობა მიეცემა, რომ 45 წუთის განმავლობაში სახლიდან (ოფისიდან) გაუსვლელად შევიდეს დიალოგში მთავარ პოლიტიკურ ფიგურებთან და მიიღოს პასუხი მათთვის საინტერესო კითხვებზე, განიხილოს მათთვის აქტუალური თემები და იმსჯელოს პრობლემატურ საკითხებზე”, - აცხადებს გადაცემის წამყვანი ირაკლი მაისურაძე.