ურეკის სანაპირო ზოლი ახალი სპეცტექნიკით დასუფთავდება
ურეკის სანაპირო ზოლი ზაფხულის სეზონისთვის ახალი სპეცტექნიკით დასუფთავდება. როგორც ეკონომიკის სამინისტროში აცხადებენ, ურეკი-შეკვეთილის 14-კილომეტრიან სანაპირო ზოლს 3 ახალი თანამედროვე ნაგავმზიდი მოემსახურება. ახალი სპეცტექნიკა ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ და ოზურგეთის მუნიციპალიტეტის გამგებელმა მერაბ ჭანუყვაძემ ერთად დაათვალიერეს და გამოსცადეს.
სპეცტექნიკის გამოყენებით, ქვიშის პლაჟზე, 20 სანტიმეტრის სიღრმიდან მყარი ნარჩენების ამოღებაა შესაძლებელი. ნაგავმზიდებით სანაპირო ზოლი კვირაში რამდენჯერმე დასუფთავდება.