კომერციული ბანკების წარმომადგენლები ”დეპოზიტების დაზღვევის სისტემის შესახებ“ კანონპროექტს გაეცნენ
ფინანსთა მინისტრის მოადგილე დავით ლეჟავამ და დეპოზიტების დაზღვევის სისტემის უწყებათაშორისი სამუშაო ჯგუფის წევრებმა, კომერციული ბანკებისა და საქართველოს ბანკების ასოციაციის პრეზიდენტს „დეპოზიტების დაზღვევის სისტემის შესახებ“ საქართველოს კანონპროექტი გააცნეს.
როგორც ფინანსთა სამინისტროში აცხადებენ, შეხვედრაზე ყურადღება გამახვილდა აღნიშნული სისტემის დანერგვის მნიშვნელობაზე როგორც ფინანსური უსაფრთხოების უზრუნველყოფის, ისე დეპოზიტართა დაცვის მიმართულებით.
შეხვედრას დაესწრნენ ეკონომიკისა და მდგრადი განვითარების სამინისტროს, ეკონომიკური საბჭოს აპარატის, ეროვნული ბანკის წარმომადგენლები, მსოფლიო ბანკის ექსპერტები.
შეხვედრა ინტერაქტიულ რეჟიმში წარიმართა და უწყებათაშორისი სამუშაო ჯგუფის წევრებმა უპასუხეს კომერციული ბანკების წარმომადგენლების მიერ დასმულ შეკითხვებს.
უწყების ინფორმაციით, როგორც შეხვედრაზე აღინიშნა, მნიშვნელოვანია, ახალ კანონპროექტზე მუშაობის პროცესში ყველა დაინტერესებული მხარის წინადადებებისა და შენიშვნების განხილვა.
იხილეთ ვიდეო PALITRANEWS-ზე