საფრანგეთში, წყალდიდობის შედეგად დაზარალებული მოქალაქეები ფინანსურ დახმარებას მიიღებენ
საფრანგეთში, წყალდიდობის შედეგად დაზარალებული მოქალაქეები ფინანსურ დახმარებას მიიღებენ. ამის შესახებ საფრანგეთის პრემიერ-მინისტრმა მანუელ ვალსმა განაცხადა.
მისი თქმით, ადგილობრივ ხელისუფლებას უახლოეს დღეებში მილიონობით ევრო გადაეცემა, რომელიც დაზარალებული ოჯახებისთვისაა განკუთვნილი.
საფრანგეთში სტიქიის შედეგად 4 ადამიანი დაიღუპა და 42 დაშავდა. 7 ათასამდე საცხოვრებელ სახლს ელექტროენერგია ამ დრომდე არ მიეწოდება.