მსოფლიოში ყველაზე ბევრი მილიონერი აზიაში ცხოვრობს
აზიელი მილიონერების ქონებამ იმ აქტივების მოცულობას გადააჭარბა, რომელსაც სამხრეთ ამერიკელი, ევროპელი და სხვა რეგიონის მილიონერები აკონტროლებენ. ამის შესახებ ინფორმაცია პლანეტის მცხოვრებთა კეთილდღეობის შესახებ შედგენილ ანგარიშშია ასახული, რომელიც ფირმა ”კაპჯემინიმ” შეადგინა.
ანგარიშის თანახმად, აზიელი მილიონერების კეთილდღეობა ერთ წელში ათი პროცენტით გაიზარდა და 17,4 ტრილიონი დოლარი შეადგინა. სამხრეთ ამერიკაში კი ეს მაჩვენებელი 16,6 ტრილიონ დოლარს შეადგენს. ჩინეთში შენელებული ეკონომიკური ზრდის და სუსტი იაპონური ეკონომიკის ფარგლებში, იმ ადამიანების რიცხვი, რომლებსაც სუფთა აქტივები აქვთ და მილიონზე მეტს ფლობენ, აზიაში 4,69 მილიონიდან 5,13 მილიონამდე გაიზარდა.
”თუ ასეთი ზრდის ტემპები შენარჩუნდება, აზიურ-წყნაროკეანული რეგიონი, დიდი ალბათობით შემდეგი ათწლეულების მანძილზე დომინანტურ ძალად დარჩება”, - ნათქვამია ანგარიშში.
მილიონერების მიერ კონტროლირებადი აქტივები მსოფლიოს მასშტაბით 60 ტრილიონ დოლარამდე გაიზარდა. ეს ოთხჯერ მეტია, ვიდრე 30 წლის წინ იყო. 2025 წლისთვის მილიონერების ქონება, შესაძლოა, 100 ტრილიონ დოლარამდე გაიზარდოს.
იხილეთ ვიდეო PALITRANEWS-ზე