საქართველოში შემოსული უცხოელი ტურისტების რაოდენობა ყოველწლიურად მატულობს.
მიმდინარე წლის ბოლო ექვსი თვის მონაცემებით, საქართველოში ყველაზე მეტი ტურისტი უკრაინიდან ჩამოვიდა.
ტურიზმის ეროვნული ადმინისტრაციის ინფორმაციით, ვიზიტორთა საერთო რაოდენობის 26,3% სწორედ უკრაინიდან დაფიქსირდა. მეორე ადგილზეა აზერბაიჯანი -18.1%, რომელსაც მოსდევს რუსეთი - 15.6%,-ით. ხუთეულში ბოლო პოზიციებს იკავებენ თურქეთი - 4%,-ით და სომხეთი 1.4%-ით.
როგორც ტურიზმის ეროვნულ ადმინისტრაციაში აცხადებენ, პოზიტიური ტენდენცია ნარჩუნდება ევროკავშირის ქვეყნების მიმართულებიდან, საიდანაც საქართველოში ჩამოსვლების რაოდენობის ზრდის კუთხით, იანვარ-ივნისში გამოირჩნენ ლატვია +29%, იტალია +20% და საფრანგეთი +12%. განსაკუთრებული ზრდა ფიქსირდება შემდეგი ქვეყნებიდან - ირანი (+400%), ინდოეთი (+340%), ფილიპინები (+208%), ისრაელი (+95%), ჩინეთი (+57%), უზბეკეთი (+31%).
საქართველოში საერთაშორისო მოგზაურთა რაოდენობამ 6 თვეში 2 636 313 შეადგინა, ზრდა წინა წლის ანალოგიურ პერიოდთან შედარებით 12,9%-ით მეტია.