აშშ რუსეთის წინააღმდეგ სანქციების შემოღების საკითხს განიხილავს
აშშ-ის ხელისუფლება “დემოკრატიული პარტიის” ხელმძღვანელების ელექტრონული ფოსტების გატეხვის გამო, რუსეთის წინააღმდეგ სანქციების შემოღების საკითხს განიხილავს.
ამის შესახებ საკუთარ წყაროებზე დაყრდნობით The Wall Street Journal-ი წერს.
გამოცემის თანახმად, სანქციების დასაწესებლად თეთრმა სახლმა კრემლი ან მის მიერ მხარდაჭერილი ჰაკერები კიბერთავდასხმებში ოფიციალურად უნდა დაადაშანაულოს.
The Wall Street Journal-თან საუბარში წყარო აცხადებს, რომ ამერიკული სპეცსამსახურები „თითქმის დარწმუნებული არიან, რომ კიბერთავდასხმაში რუსეთი კვალი არსებობს“.
გასულ თვეს „ვიკილიქსის“ ვებპორტალმა აშშ-ის “დემოკრატიული პარტიის” წევრთა ათასობით წერილი გამოაქვეყნა. პარტიაში მიიჩნევენ, რომ კიბერთავდასხმის უკან რუსეთი დგას, რასაც კრემლში კატეგორიულად უარყოფენ.