მსოფლიოს ყველაზე ძვირად ღირებული ვილა Les Cèdres (კედრები) გასაყიდად გამოიტანეს.
გამოცემა Nice-Matin-ის ცნობით, საფრანგეთში მდებარე ვილა 1 მილიარდ ევროდაა შეფასებული.
ვილა, რომელიც კონცხ სან-ჟან-კაპ-ფერას რაიონშია (ნიცას შემოგარენი) განლაგებული, თავის დროზე ბელგიის მეფე ლეოპოლდ მეორეს ეკუთვნოდა. ამჟამად ვილა მარნიე-ლაპოსტოლის ოჯახის კუთვნილებაა, რომელიც ლიქიორ Grand Marnier-ის შემქნელი გახლავთ.
ვილაში სულ 10 ოთახია - სტუმრების მისაღები დარბაზი, საჯინიბო, ზამთრის ბაღი, 55 მეტრიანი აუზი და ბოტანიკური ბაღი სათბურებით.