გერგეთის სამებასთან მისასვლელ საფეხმავლო გზას რეაბილიტაცია ჩაუტარდება

ყაზბეგის მუნიციპალიტეტში სოფელ გერგეთში მისასვლელ გზასა და გერგეთის სამებასთან მისასვლელ საფეხმავლო გზას რეაბილიტაცია ჩაუტარდება.

თბილისის მუნიციპალიტეტის განვითარების ფონდის ცნობით, საქართველოს განზრახული აქვს მიიღოს მსოფლიო ბანკისაგან დაფინანსება რეგიონული განვითარების მესამე პროექტის განსახორციელებლად და ამ სახსრების ნაწილი ყაზბეგის მუნიციპალიტეტში, სოფ. გერგეთში მისასვლელი გზის და გერგეთის სამებასთან მისასვლელი საფეხმავლო გზის რეაბილიტაციისთვის გამოიყენოს.

უწყების ინფორმაციით, ძირითადი სამუშაოები მოიცავს სავალი ნაწილის მოწყობას ცემენტბეტონის საფარით, გაბიონის კედლების, რკ.ბეტონის კიუვეტების და წყალამრიდი მილების, ასევე მიერთებებსა და ეზოში შესასვლელების მოწყობას.

აღნიშნული გზების რეაბილიტაციისთვის საქართველოს მუნიციპალური განვითარების ფონდმა ტენდერი უკვე გამოაცხადა.