სადახლოზე არადეკლარირებული ოქროსა და ვერცხლის ლითონები აღმოაჩინეს

საბაჟო გამშვებ პუნქტში „სადახლო-საავტომობილო“, მებაჟე ოფიცრებმა არადეკლარირებული ოქროსა (204,24 გრ) და ვერცხლის (6,26 გრ) ნაკეთობები აღმოაჩინეს.

შემოსავლების სამსახურის ინფორმაციით, საქონლის საერთო საბაჟო ღირებულებამ 12,406.54 ლარი შეადგინა.

საქართველოს საგადასახადო კოდექსის 289-ე მუხლის მე-10 ნაწილის მიხედვით მოქალაქეებს სანქციის სახით ფულადი ჯარიმა 12,405 ლარის ოდენობით შეეფარდათ.