პეტერბურგის „პულკოვოს“ აეროპორტიდან მგზავრები ევაკუირებულია

რუსეთში პეტერბურგის „პულკოვოს“ აეროპორტის ნაწილი ევაკუირებულია. სამართალდამცველებმა მგზავრების ნაწილი და აეროპორტის პერსონალი გამოიყვანეს. „ბიბისი“-ს ინფორმაციით, პოლიციის თანამშრომლებმა აღნიშნული გადაწყვეტილება უსაფრთხოების ზომებიდან გამომდინარე მიიღეს.

ადგილობრივი მედიის ცნობით, მსგავსი ზომები, შესაძლოა, ბომბის შესახებ ანონიმური შეტყობინების მიღებით იყოს განპირობებული.

აეროპორტის გარშემო პერიმეტრს პოლიციელები იცავენ, ადგილზე ექსპერტ-კრიმინალისტები მუშაობენ. მიუხედავად ამისა, აეროპორტი ფუნქციონირებას განაგრძობს და როგორც იღებს, ასევე უშვებს დაგეგმილ რეისებს.