ბატარეებთან დაკავშირებული ხარვეზის გამო სმარტფონების გაწვევის შედეგად "სამსუნგის" კაპიტალიზაცია 22 მილიარდი აშშ დოლარით დაეცა.
სამხრეთკორეული კომპანიის საბაზრო ღირებულება პარასკევისა და ორშაბათის სავაჭრო სესიებზე 11%-ით, ანუ 22 მილიარდი დოლარით შემცირდა.
რეკორდული დაცემის მიზეზი სმარტფონ Galaxy Note 7-ის ბატარეასთან დაკავშირებული ხარვეზი გახდა.
10 სექტემბერს აშშ-ის მთავრობასთან არსებული, სამომხმარებლო საქონლის უსაფთხოების კომისიამ მოუწოდა მომხმარებლებს, აღნიშნული სმარტფონების გამოყენებაზე უარი თქვან, რადგან მოწყობილობა აღჭურვილია თვითაალებადი ბატარეით.
11 სექტემბერს "სამსუნგმა" მომხმარებლებს Galaxy Note 7-ის ჩაბარებისკენ მოუწოდა.
თავის მხრივ, საქართველოს სამოქალაქო ავიაციის სააგენტომ Samsung Galaxy Note 7-ის მფლობელებს მოუწოდა, ბორტზე ცეცხლის გაჩენის პრევენციის მიზნით, ფრენის დროს ტელეფონები გამორთონ.