შეღავათები, რომლითაც ცნობილი კომპანიების თანამშრომლები სარგებლობენ

უმეტესობა ჩვენგანი დღის მეტ დროს სამსახურში ვატარებთ, ამიტომ მნიშვნელოვანია ოფისში გატარებული თითოეული წუთი სასიამოვნო იყოს.

Glassdoor-ს მიხედვით, 57%-ზე მეტი დასაქმებული ამბობს, რომ ხელფასის მომატებაზე მეტად მათთვის სხვა სახის კომფორტია მნიშვნელოვანი.

გთავაზობთ იმ კომპანიების ჩამონათვალს, რომელთა თანამშრომლებიც სხვადასხვა უპირატესობებით სარგებლობენ.

Accenture: სქესის შეცვლა

კომპანია სქესის შეცვლის ხარჯებს ფარავს თავისი თანამშრომლებისთვის, რითიც ხაზს უსვამს, რომ იცავს LGBTQ თემის უფლებებს და პატივს სცემს თანამშრომლების არჩევანს.

Adobe: ერთკვირიანი დასვენება ზამთარ-ზაფხულ

კომპანია დეკემბერში ერთ კვირით აჩერებს მუშაობას და ასვენებს თანამშრომლებს. იგივეს აკეთებს ზაფხულშიც.

Airbnb: მოგზაურობის სტიპენდია

კომპანია თანამშრომლებს 2 000 დოლარიან სტიპენდიას აძლევს სამოგზაუროდ მსოფლიოს ნებისმიერ კუთხეში.

Asana: ცხოვრებისა და კარიერის გასაუმჯობესებელი გაკვეთილები

კომპანიის თანამშრომლები უფასოდ იღებენ ქოუჩინგის სერვისებს.

Epic Systems Corp.: 4-კვირიანი შვებულება

კომპანია თანამშრომლებს დამატებით, ანაზღაურებად 4-კვირიან შვებულებას სთავაზობს მათი კრეატიული უნარების განსავითარებლად.

Twitter: უფასო კვება

"ტვიტერის" თანამშრომლებს კომპანია სამჯერად უფასო კვებას სთავაზობს დღის განმავლობაში. გარდა ამისა, თანამშრომლებს შესაძლებლობა აქვთ ისარგებლონ კვალიფიკაციის ასამაღლებელი უფასო კურსებით.

Facebook: ”ბავშვის ფული”

„ფეისბუქი“ თანამშრომლებს, რომელთაც შვილი შეეძინებათ, 4 000 დოლარს ურიცხავს.

Google: გარდაცვლილი თანამშრომლის ოჯახის წევრთა დახმარება

„გუგლი“ გარდაცვლილი თანამშრომლის მეუღლეს ან პარტნიორს ათი წლის განმავლობაში ხელფასის 50 პროცენტს ურიცხავს.

Netflix: წლიური ანაზღაურებადი დეკრეტი

„ნეტფლიქსის“ თანამშრომლები ერთი წლის მანძილზე სარგებლობენ დეკრეტით. გარდა ამისა, მათ უფლება აქვთ დეკრეტის შემდეგ ნახევარ განაკვეთზე დაბრუნდნენ.

Pinterest: მშობლების ბენეფიტები

„პინტერესტი“ უნიკალურ დეკრეტს სთავაზობს თანამშრომლებს. გარდა იმისა, რომ კომპანიის თანამშრომელი სარგებლობს დეკრეტული შვებულებით, დეკრეტიდან გამოსვლის შემდეგ მას სთავაზობენ სპეციალურ გეგმას, რომლის მიხედვითაც შეუძლია მუშაობა.

PwC: კომპენსაცია მშობლებისთვის და სტუდენტური სესხი

კომპანია თანამშრომლებს წელიწადში 1 200 დოლარს აძლევს სტუდენტური სესხის დასაფარად.

Spotify: კვერცხუჯრედის გაყინვა

კომპანია 6-თვიან ანაზღაურებად დეკრეტს სთავაზობს მშობლებს, შემდეგ ერთი თვე მოწყვლად სამუშაო პირობებს. კომპანია ასევე ფარავს კვერცხუჯრედის გაყინვის პროცედურას.

Walt Disney Co.: პარკში უფასო შესვლა

დისნეის თანამშრომლების შვილებსა და ოჯახის წევრებს უფასოდ შეუძლიათ პარკში შესვლა და დიდი ფასდაკლებები აქვთ სასტუმროებსა და სუვენირებზე.

World Wildlife Fund: ”პანდა პარასკევი”

კომპანიის თანამშრომლებს ყოველ მეორე პარასკევს შეუძლიათ დასვენება.