ბერლინში სავაჭრო კომპლექსი იწვის
ბერლინში, ცნობილი სავაჭრო კომპლექსის, ევროპა-ცენტრის სახურავზე ცეცხლი გაჩნდა.
როგორც სააგენტო „როიტერი“ იტყობინება, ბერლინის სახანძრო სამსახურში ხანძრის გამომწვევ მიზეზებს ჯერჯერობით არ ასახელებენ.
ინფორმაცია დაშავებულთა შესახებ ამ დრომდე არ გავრცელებულა.
ევროპა-ცენტრი, რომელიც ბერლინის დასავლეთ ნაწილში მდებარეობს, გერმანიის დედაქალაქის ერთ-ერთი ცნობილი ღირშესანიშნაობაა. 20-სართულიანი კომპლექსი 1960-იანი წლების დასაწყისში, ბერლინის კედლის აგების შემდეგ აშენდა.