ბაზარზე სულგუნი პომიდვრის ჩირით გამოჩნდება
საახალწლოდ ბაზარზე ახალი პროდუქცია - სულგუნი პომიდვრის ჩირით გამოჩნდება.
როგორც „ბიზნესპრესნიუსს“ კომპანია „ბიო-მარგის“ დამფუძნებელმა გიორგი არწივიძემ უთხრა, ამ ეტაპისთვის უკვე აქვთ ნახევარ ტონამდე პომიდვრის ჩირი.
მისი თქმით, პირველ ეტაპზე 3-4 ტონამდე პროდუქციის წარმოება იგეგმება.
გიორგი არწივიძის თქმით, კომპანია ჩირის დასამზადებლად პომიდორს ადგილობრივებისგან იბარებს და ამ დროისთვის 3 ტონამდე პომიდორი უკვე ჩაბარებული აქვს.
კომპანია „ბიო-მარგი“ ბაღდათის რაიონის სოფელ დიმიში მდებარეობს. პროექტის ღირებულება 10 ათას ლარამდეა.
იხილეთ ვიდეო PALITRATV-ზე
თაია არდოტელი