მოცარელა - როგორ მზადდება იტალიელების სიამაყე საქართველოში

იტალიის სიამაყედ წოდებული მოცარელა არა მარტო იტალიელებისთვის, მსოფლიოს ყველა ქვეყნის გურმანებისთვის ერთ-ერთი საყვარელი პროდუქტია. მას ხშირად იყენებენ სალათების, ხორცეულის, ზღვის პროდუქტების, ბოსტნეულის და რა თქმა უნდა, პიცის მომზადებისას. ის არაჩვეულებრივია, როგორც ცალკე აღებული პროდუქტიც. უხდება თეთრ ღვინოს, ზეთისხილს და სხვადასხვა კენკროვნებს. იტალიელები მოცარელას, მათთვის განსაკუთრებულად საამაყო კერძებში - პიცასა და სპაგეტში იყენებენ.

იტალიურის ანალოგიური ტექნოლოგიით უკვე საქართველოშიც მზადდება მოცარელა "ნიკორას" შვილობილი ბრენდის "ჩვენი ფერმერის" მიერ. ტექნოლოგია, როგორც აღვნიშნეთ იტალიურის მსგავსია, შესაბამისად, მოცარელა ზუსტად იგივე პირობებში და წესების დაცვით მზადდება, როგორც ეს მის სამშობლოში ხდება.