უკუღმა დაკიდებული ტრამვაი

უკუღმა დაკიდებული გზა ქალაქ ვუპერტალში 1901 წელს აშენდა და დღეისთვის მსოფლიოში უძველეს მონორელსურ გზად მიიჩნევა.ვუპერტალის ინდუსტრიალიზაცია მე-19 საუკუნის ბოლოს დაიწყო. იმ დროისთვის ქალაქის მოსახლეობის რიცხვმა 400 ათას ადამიანს მიაღწია და განვითარების დონით კიოლნსაც გაუსწრო.

ტრამვაის ხაზის სიგრძე 13 კილომეტრს შეადგენს და მდინარე ვაპერის გასწვრივ 12 მეტრის სიმაღლეზე მდებარეობს. ქუჩების თავზე (8 მეტრის სიმაღლეზე) გზის მხოლოდ 3 კილომეტრი გადის. გზის ამ მონაკვეთს ფეხით მოსიარულეთა მარშრუტს უწოდებენ.

დაკიდული გზის მომსახურებით ყოველდღიურად ათასობით ადამიანი სარგებლობს. 1997 წელს რკინიგზის მოდერნიზება და სრულყოფა მოხდა. ტურისტებისთვის მოძრაობს ორიგინალური კაიზერვაგონი, რომელიც ოდესღაც სამეფო ოჯახის წევრების გადასაყვანად გამოიყენებოდა. ვაგონი კომფორტით და უსაფრთხოებით გამოირჩევა.

იხილეთ ვიდეო PALITRATV-ზე