როგორი იქნება მომავლის ავტომობილები
ტექნოლოგიური წინსვლის პარალელურად ახალი მოთხოვნილებებიც ჩნდება. დღევანდელ მანქანათმშენებლობაში 5 ტენდენცია გამოირჩევა, მათ შორის ყველაზე პრიორიტეტული ძრავის გაძლიერებაა. ამავდროულად არანაკლები მნიშვნელობა ექცევა მანქანის მოცულობასა და უსაფრთხოების განცდას.
მფლობელებისთვის ერთ-ერთი ყველაზე მნიშვნელოვანი საკითხი ეკონომიურობაა, გარემოსდამცველებისთვის კი მისი ეკოლოგიურობა. ამ ტენდენციების გათვალისწინებით ავტმობილების მწარმოებელმა სხვადასხვა კომპანიებმა მომავლის მანქანების დიზაინები უკვე შექმნეს და მათ სრულყოფაზე აქტიურად მუშაობენ.
ნისანმა Nissan Pivo 2 concept-ი შეიმუშავა. პატარა მანქანა კამერებით, რომელსაც მძღოლის ემოციების ამოცნობა და შესაბამისი შეთავაზების გაკეთება შეუძლია.
მომავალში, მანქანის გაუმჯობესებული მოდელი ერთ ღილაკზე თითის დაჭერით, მგზავრის დანიშნულების ნებისმიერ ადგილამდე მიყვანას, მინიმალური დანახარჯთ შეძლებს. მანქანას კი ისეთ ადგილზე დააყენებს, ყველაზე გამოცდილ მძღოლს წარმოდგენაც რომ გაუჭირდება.
თურქმა დიზაინერმა კაზომა დოკუმ მფრინავი მანქანის მოდელი შიმუშავა და აუდის კონკურსის გამარჯვებულიც გახდა. მისი ავტომანქანა Audi shark-ი, მართლაც, ჰგავს სუპერჩქარ ზვიგენს. Audi shark-ს ორი სავარძელი და თვითმფრინავისა და მოტოციკლის გამოკვეთილი ხაზები აქვს.
Rinspeed sQuba-ის გამომგონებლის განმარტებით, მისი შთაგონების წყარო ჯეიმს ბონდის ფილმი იყო, სადაც მთავარი გმირი მანქანით წყალქვეშ მოგზაურობს.
Rinspeed sQuba-ს 10 მეტრის სიღრმეზე გადაადგილება თავისუფლად შეუძლია. გარდა ამისა, მას ავტოპილოტის ფუნქციაც აქვს. თუმცა, მოდელის საწინააღმდეგოდ შეიძლება ითქვას, რომ მგზავრებს თავიდან ბოლომდე დასველება და ჟანგბადის ბალონების გამოყენება მოუწევთ. მანქანა ხმელეთზე 120 კილომეტრი საათის სიჩქარეს ავითარებს, წყლის ზედაპირზე 6 კილომეტრი საათის სიჩქარით გადაადგილდება, წყალქვეშ კი სულ რაღაც, 3 კმ/ს-ით.
გარემოსდამცველები ეკოლოგიურად სუფთა მანქანების შექმნისთვის იბრძვიან, თუმცა, ეკოლოგებს მანქანები, რომლებიც გარემოს არ აბინძურებს, აღარ აკმაყოფილებთ. მათ ჰაერის დასუფთავების ფუნქციის მქონე მანქანის კონსტრუირება სურთ. ასეთი კი ნიკოლას სტოუნის დაპროექტებული Hyundai city car-ია, მანქანა - ხელოვნური ფოტოსინთეზით.
ავტომანქანა სამეცნიერო ფანტასტიკიდან - გონების ძალის საშუალებით იმართება. Merc Cyborg-ს საჭე, მუხრუჭი, სიჩქარის გადამრთველი მექანიზმი და სატერფულები არ აქვს, სამაგიეროდ, მძღოლის თავთან არის თაღი, რომელიც ტვინიდან წამოსულ იმპულსებს აღიქვამს. შესაბამისად, გონების ძალით მართული მანქანები არც თუ ისე შორი მომავალია.
წყარო Allnews.ge