ირმა ინაშვილი - მოქალაქეებს ID ბარათების ალტერნატიული ქაღალდის დოკუმენტების მიღების საშუალება უნდა ჰქონდეთ

„პატრიოტთა ალიანსის“ ლიდერის ირმა ინაშვილის აზრით, მოქალაქეებს ID ბარათების ალტერნატიული ქაღალდის დოკუმენტების მიღების საშუალება უნდა ჰქონდეთ.

ამის შესახებ ინაშვილმა ფრაქცია „საქართველოს პატრიოტების“ სხდომაზე განაცხადა, სადაც მინისტრთა კაბინეტის ახალ შემადგენლობას უსმენენ.

„ძალიან დიდ ვნებათაღელვას იწვევს საზოგადოების ნაწილში ID ბარათების თემა. ჩვენ ვიცით, რომ უამრავ ადამიანს არ სურს, აიღოს ID ბარათი, მაგრამ ჩვენ უნდა მივცეთ მათ არჩევანის საშუალება. ხომ არ ფიქრობთ, რომ კარგი იქნება იგივე ქაღალდის პასპორტების, პირადობის მოწმობების დაშვება, როგორც ალტერნატივა და ამ ქაღალდის ჩვეულებრივ პირადობის მოწმობაზე დაფიქსირებული იყოს საიდენტიფიკაციო მონაცემები. მთავარია, რომ ადამიანებს არჩევანის თავისუფლება მივცეთ და ვისაც არ უნდა ID ბარათი, ჰქონდეს საშუალება, ჩვეულებრივი ქაღალდის პასპორტი ან პირადობის მოწმობა მიიღოს“, - განაცხადა ირმა ინაშვილმა.