მსოფლიო ბაზარზე ოქროს ფასი დაეცა, თუმცა ამის ფონზე ბაზარზე სარისკო განწყობა გაიზარდა.
"ბლუმბერგის" მონაცემებით, ნიუ-იორკის Comex-ის ბირჟაზე ფასი ოქროზე 0,31%-ით (3.70 დოლარი) დაეცა და უნციაზე 1172.80 დოლარი შეადგინა.
ექსპერტების აზრით, იტალიაში რეფერენდუმის შედეგების გამოცხადების შემდეგ სარისკო განწყობა გაიზარდა, თუმცა ვითარება მოგვიანებით დარეგულირდა.
ფასებზე გავლენა იქონია ნიუ-იორკის ფედერალური სარეზერვო ბანკის უფროსის უილიამ დადლის კომენტარმაც, რომლის განცხადებით, ფედერალური სარეზერვო ბანკი ახლოსაა თავისი სამიზნე პოლიტიკის მიღწევასთან და მხარი დაუჭირა განაკვეთის ეტაპობრივ ზრდას.