რომან კაკულია - გულუბრყვილობა იქნებოდა იმაზე საუბარი, რომ ფასების ზრდა მოსალოდნელი არ არის

გულუბრყვილობა იქნებოდა იმაზე საუბარი, რომ ფასების ზრდა მოსალოდნელი არ არის. ამის შესახებ საპარლამენტო უმრავლსეობის წევრმა რომან კაკულიამ ”პალიტრანიუსის” გადაცემაში ”360 გრადუსი” განაცხადა.

მისი თქმით, ხელისუფლებისა და მთავრობის ეკონომიკური გუნდის ხედვა ორიენტირებულია ყველა მიმართულებით. კაკულიას განცხადებით, მმართველი ძალა ცდილობს საზოგადოებას დაანახოს გეგმები, რომელიც ყველაზეა ორიენტირებული, თუმცა მიიჩნევს, რომ ყველა ერთბაშად კმაყოფილი ვერ იქნება.

”ახლა გულუბრყვილობა იქნებოდა იმაზე საუბარი, რომ ფასების ზრდა არ არის მოსალოდნელი და მე ამ რიტორიკით არ ვაპირებ საუბრის წაყვანას. ყველაფერი, რაც თეთრი არ არის, აუცილებლად მუქი შავი არ არის. არის მიმდინარე პროცესები, რომელსაც უნდა შევხედოთ. ამ სიტუაციაში ორი პასუხია, ერთი ის, რომ ხვალვე ან ერთ კვირაში ყველაფერი გადასარევად იქნება, რომელიც არარეალურია და მეორე პასუხი დაკავშირებულია მოთმინებასთან, მაგრამ ამ მოთმინების უკან უნდა ჩანდეს რეალური გეგმა, რომ ამ მოთმინებას აქვს აზრი და ამ მსვლელობის უკან დგას ლოგიკა, რომელიც გასაგებია.

პოლიტიკური პლატფორმისა და ეკონომიკური გუნდის ხედვა ორიენტირებულია ყველა სეგმენტზე, შეზღუდული რესურსების ფარგლებში, მაგრამ გააჩნია გარკვეული ინსტრუმენტები. ოთხი წლის განმავლობაში ამ ინსტრუმენტების გარკვეული ტესტირება ხდებოდა, ქვედა ფენიდან დაწყებული, ბიზნესის შუაფენით გაგრძელებული და უკვე განვითარებული ბიზნესით დამთავრებული. პროგრამა, რომელიც ახლა წარმოდგენილია, ცდილობს ყველა სეგმენტს თავისი ინსტრუმენტი მოარგოს. ჩვენ ვცდილობთ დავანახოთ საზოგადოებას ის გეგმები, რომელიც ორიენტირებულია რომ ყველა სეგმენტს, თავისი ადგილი დაანახოს, მაგრამ ეს ვერ მოხდება ისე, რომ ყველა ერთბაშად იყოს კმაყოფილი“, - განაცხადა რომან კაკულიამ.

იხილეთ ვიდეო :  გულუბყვრილობა იქნებოდა იმაზე საუბარი, რომ ფასების ზრდა არ არის მოსალოდნელი - რომან კაკულია