„ზარას“ დამფუძნებელი პლანეტის ყველაზე მდიდარი ადამიანი გახდა და ბილ გეითსი უკან ჩამოიტოვა

კომპანია „ინდიტექსის“ დამფუძნებელი ამანსიო ორტეგა მსოფლიოს ყველაზე მდიდარი ადამიანი გახდა.

„ფორბსის“ მონაცემებით, „ინდიტექსის“ აქციების ფასი დღეს 2,5%-ით გაიზარდა, რაც იმას ნიშნავს, რომ ორტეგას ქონებამ 79,5 მილიარდ დოლარს მიაღწია. ამ მაჩვენებლით 80 წლის მილიარდერმა უკან ჩამოიტოვა „მაიკროსოფტის“ თანადამფუძნებელი ბილ გეითსი, რომლის ქონება 78,5 მილიარდი დოლარია.

ამანსიო ორტეგამ მაშინდელ მეუღლე როზალიასთან ერთად „ზარა“ 1975 წელს დააარსა. მოგვიანებით, საფუძველი ჩაუყარა კომპანია „ინდიტექსს“, რომელიც „ზარას“ გარდა, „მასიმო დუტისა“ და „ფულ ენ ბეარს“ აერთიანებს.

ასევე იხილეთ: წარმატების პრინციპები კაცისგან, რომელიც 64 მლრდ დოლარს ფლობს