”საქართველოს ბანკი” და ექსპრეს ბანკი ახალი წლის დღეებში სერვისცენტრების მუშაობის შესახებ ინფორმაციას აქვეყნებს

”საქართველოს ბანკი” და ექსპრეს ბანკი ახალი წლის დღესასწაულთან დაკავშირებით, სერვისცენტრების სამუშაო განრიგის შესახებ ინფორმაციას აქვეყნებს.

როგორც ”ინტერპრესნიუსს” ”საქართველოს ბანკიდან” აცნობეს, 2017 წლის 1 და 2 იანვარს დაისვენებს ”საქართველოს ბანკისა” და ექსპრეს ბანკის ყველა სერვისცენტრი. სამშაბათს, 3 იანვარს ”საქართველოს ბანკისა” და ექსპრეს ბანკის სერვისცენტრები ჩვეულ რეჟიმში იმუშავებენ.

დეტალური ინფორმაციისთვის მომხმარებელს, ნებისმიერ დროს შეუძლია მიმართოს ”საქართველოს ბანკისა” და ექსპრეს ბანკის სატელეფონო ცენტრებს ნომრებზე: 2 444 444 და 2 555 555.

მომხმარებლებს, ვისაც საკრედიტო ბარათზე დაანგარიშების თარიღი აქვს 2 იანვარი, საშეღავათო პერიოდით სარგებლობისთვის თანხის შეტანა შეუძლიათ 31 დეკემბრის ჩათვლით. 31 დეკემბერს ”საქართველოს ბანკის” სერვისცენტრები დილის 10:00 საათიდან 14:00 საათამდე იმუშავებენ, ხოლო ექსპრეს ბანკის სერვისცენტრები 10:00 საათიდან 16:00 საათამდე.

3 იანვრიდან “საქართველოს ბანკის” და ექსპრეს ბანკის ყველა სერვისცენტრი, ჩვეულ რეჟიმში განაგრძობს მუშაობას.