ქუთაისში ტაქსის მძღოლები პარლამენტის შენობასთან აქციას მართავენ
ქუთაისში არსებული კერძო ტაქსების მფლობელები და მძღოლები საპროტესტო აქციას მართავენ. ისინი ავტომანქანებით პარლამენტის შენობის წინ მივიდნენ. მძღოლები საწვავის ფასის მატებას აპროტესტებენ, რასაც მგზავრობის საფასურის მატება უნდა მოჰყვეს.
"თუ არ მოვუმატებთ ფასს, წაგებაზე მოგვიწევს შრომა," - ამბობენ კერძო ტაქსის მძღოლები "ინტერპრესნიუსთან" საუბარში.
ამ ეტაპზე ტარიფი ქუთაისში მოქმედ არცერთ ტაქსის კომპანიას არ გაუძვირებია, თუმცა მათი წარმომადგენლები ღირებულების მატებას არ გამორიცხავენ.
ამ დროისთვის ქუთაისში ტაქსის კომპანიების მომსახურება 1 კილომეტრზე 70 თეთრს შეადგენს.