ლევან კალანდაძე - სესხების გალარება მნიშვნელოვნად შეუწყობს ხელს მოქალაქეებზე ფინანსური დანაკარგების რისკის შემცირებას
ეკონომიკის ექსპერტ ლევან კალანდაძის განცხადებით, გალარების პროგრამით მოქალაქეებისთვის ლარის კურსის ცვლილებით გამოწვეული დანაკარგები შესუსტდება და აქედან გამომდინარე, ეს იქნება ფინანსური სტაბილიზაციისთვის პოზიტიური შედეგის მომტანი. „აღნიშნული ფინანსური ტვირთის ერთ-ერთი გამოხატულებაა ის, რომ მოქალაქეების უმრავლესობას დოლარში აქვს სესხი. გალარება მნიშვნელოვნად შეუწყობს ხელს მოქალაქეებზე ფინანსური დანაკარგების რისკის შემცირებას. მოქალაქეებს ექნებათ შესაძლებლობა საკუთარი სურვილის შემთხვევაში დოლარში ნომინირებული იპოთეკური სესხები ლარში გადაიტანონ“, - განაცხადა ექსპერტმა.
მისი თქმით, ეს არის მნიშვნელოვანი კომპონენტი იმ მთლიან გეგმაში, რომელიც ქვეყნის ფინანსურ სტაბილურობას უკავშირდება.
გალარების პროგრამა 17 იანვრიდან დაიწყება. ბანკები 5 დღის განმავლობაში უნდა დაუკავშირდნენ იმ კლიენტებს, ვისაც სესხების გალარების პროგრამა ეხება.