რა თვისებებია საჭირო H&M-ში დასაქმებისთვის?

მსოფლიოში ცნობილი შვედური ბრენდი H&M, რომლის პირველი მაღაზია საქართველოში მიმდინარე წლის შემოდგომაზე გაიხსნება, პირველ ვაკანსიებს აცხადებს.

ვაკანსიები ვებგვერდზე insource.ge არის განთავსებული. H&M-ს ერთი ვაკანსია სარეკლამო განცხადებების ავტორის პოზიციაზე, ხოლო მეორე - ბუღალტრის, სახელფასო ადმინისტრირების პოზიციაზე აქვს გამოცხადებული.

რაც შეეხება კომპანიის მიერ ჩამოთვლილ მოთხოვნებს აღნიშნულ პოზიციაზე, აღსანიშნავია კომპიუტერული პროგრამების, ინგლისურისა და ქართული ენების ცოდნა, ანალიტიკური და მათემატიკური აზროვნება, კომუნიკაციის უნარი და სხვა. ამასთან, H&M -ში დასაქმების მსურველებს მუშაობის დაწყებამდე ორი კვირიდან ოთხ თვემდე ვადით, საზღვარგარეთ გადამზადების კურსებზე წასვლა უნდა შეეძლოთ.

H&M-ი საქართველოში პირველ მაღაზიას „გალერეა თბილისში“ 2017 წლის სექტემბერში გახსნის.