თოფურიას ქუჩაზე ტროტუარებისა და გზის სავალი ნაწილის რეაბილიტაცია მიმდინარეობს
ვაკის რაიონის გამგეობა თოფურიას ქუჩაზე საგზაო ინფრასტრუქტურის განახლების პროექტს ახორციელებს.როგორც თბილისის მერიიდან იუწყებიან, მიმდინარე საგზაო სამუშაოები ვაკის რაიონის გამგებელმა ნოდარ ტურძელაძემ დაათვალიერა, ადგილობრივ მოსახლეობას შეხვდა და მათი პრობლემებიც მოისმინა.
საგზაო პროექტის ფარგლებში, თოფურიას ქუჩაზე მოხდება ტროტუარებისა და გზის სავალი ნაწილის რეაბილიტაცია, ახალი ბორდიურების დამონტაჟება და ასფალტის საფარის დაგება. გზის განახლება თოფურიას ქუჩის გარდა, მიმდებარე ტერიტორიაზე კიდევ ორ მონაკვეთზე დაიწყო. კერძოდ, გზის შეკეთება VII კვარტლის 21-ე და 22-ე კორპუსებთან მისასვლელ გზებზე მიმდინარეობს. სარეაბილიტაციო სამუშაოებს, ვაკის რაიონის გამგეობის დაკვეთით, შპს “ჯეო სერვისი“ აწარმოებს.