კომპანიების მხრიდან 10 ყველაზე მოთხოვნად პოზიციას შორის მენეჯერი, კონსულტანტი და მოლარე ლიდერობს, - შესაბამისი კვლევა იანვარში ილიას სახელმწიფო უნივერსიტეტის ბიზნესის სკოლამ ჩაატარა.
მეოთხე ადგილზე სამედიცინო წარმომადგენელია, მეხუთეზე - მიმტანი, მეექვსეზე - დამლაგებელი.
კომპანიებისთვის საჭირო კადრები აღმოჩნდნენ: პედაგოგები, ბუღალტრები, მცხობელები და გამყიდველებიც.
რაც შეეხება მიწოდებას, საზოგადოების მხრიდან ყველაზე მოთხოვნადი პოზიციების სამეულში ძიძა, ბუღალტერი და დამლაგებელი აღმოჩნდნენ. მათ მოყვება მიმტანი, მზარეული და დამხმარე. მეშვიდე ადგილი მომვლელს უკავია, მერვე - თარჯიმანს, მეცხრე - მძღოლს. ბოლო პოზიციაზე კი კონსულტანტია.
კვლევის ფარგლებში ინფორმაცია დასაქმების ვებ-გვერდებიდან: www.myjobs.ge, www.hr.ge, www.jobs.ge, www.saqme.ge-დან მოიძიეს.