94 წლის ლილიან ბეტანკური მსოფლიოს ყველაზე მდიდარი ქალია
„ფორბსის“ მილიარდერთა რეიტინგის თანახმად, მსოფლიოში 227 მილიარდერი ქალია, რომელთა საერთო ქონება 852,8 მილიარდ დოლარს შეადგენს.
2017 წლის რეიტინგის თანახმად, მსოფლიოს ყველაზე მდიდარი ქალი ლილიან ბეტანკურია. კომპანია L'Oreal-ის ამჟამინდელი მფლობელის ქონება 39,5 მილიარდ აშშ დოლარს შეადგენს. ბეტანკურის შემდეგ, უმდიდრეს ქალთა სიას ელის უოლტონი აგრძელებს, რომელიც მაღაზიათა ქსელის Wal-Mart-ის მფლობელია. უოლტონის საერთო კაპიტალი 33.8 მილიარდი აშშ დოლარია. მესამე ადგილს 27 მილიარდი აშშ დოლარით ამერიკული ტკბილეულის კომპანიის Mars-ის მფლობელი ჟაკლინ მარსი იკავებს 25.2 მილიარდი დოლარით. პირველ ხუთეულში ასევე არიან Nutella-ს მფლობელი მარია ფისოლო და ფარმაცევტული კომპანია Altana-ს მფლობელი და BMW-ს მეწილე სუზან კლატენი.
საერთო ჯამში, „ფორბსის“ მონაცემებით, ბოლო 12 თვის განმავლობაში მსოფლიოში მილიარდერთა რაოდენობა 13%-ით - 2 043-მდე გაიზარდა. მათი ქონება 18%-ით გაიზარდა და ჯამში 7,67 ტრილიონი დოლარი შეადგინა.
მსოფლიოს ყველაზე მდიდარ ადამიანად კვლავ რჩება „მაიკროსოფთის“ თანადამფუძნებელი ბილ გეიტსი, რომლის ქონება 86 მილიარდი დოლარია. მეორე პოზიციაზეა უორენ ბაფეტი - 75,6 მილიარდი დოლარით, ხოლო მესამეზე - ჯეფ ბეზოსი 72,8 მილიარდი დოლარით.