2025 წლისთვის ინტერნეტი იქნება როგორც წყალი, ან თუნდაც ელექტროობა

Pew Research Center-ის მიერ ჩატარებული სოციოლოგიური კვლევის შედეგების მიხედვით, 2025 წლამდე ინტერნეტი საზოგადოების ცხოვრების შეუცვლელი ნაწილი გახდება.

კომპანიამ გამოკითხვა მსოფლიოს სხვადასხვა ქვეყნიდან, 2000 ადამიანს შორის ჩაატარა.

რესპონდენტებს სთხოვეს წარმოედგინათ, როგორი იქნებოდა მათი ცხოვრება, თუკი უახლოესი 10 წელი ინტერნეტი არ ექნებოდათ. აბსოლუტურმა უმრავლესობამ განაცხადა, რომ ინტერნეტის გარეშე არსებობა ვერ წარმოედგინათ - ინტერნეტი გადაიქცა ერთ-ერთ შეუცვლელ საგნად; ისეთად, როგორიცაა, მაგალითად, წყალი ან ელექტრობა.

ამგვარად, ექსპერტები ვარაუდობენ, რომ მომავალში, აბლაბუდას მსოფლიო ქსელი, ადამიანის არსებობის ორგანულ და განუყოფელ ნაწილად იქცევა.

სამხრეთ კაროლინას უნივერსიტეტის ინფორმაციული მეცნიერებების ინსტიტუის დირექტორი, ჯონ ტაჩი ამტკიცებს, რომ სამომავლოდ, ადამიანები ქსელში მუდმივად, უწყვეტად იქნებიან ჩართულნი და შეძლებენ ზედმეტი ძალისხმევის გარეშე მათთვის სასურველი ინფორმაცია ნებისმიერ დროს მიიღონ.

მისი აზრით, ინტერნეტში ყველაზე მოთხოვნადი ინფორმაცია ადამიანის ცხოვრების ყველა დეტალთან იქნება კავშირში, მათ შორის პირადი ცხოვრებასთანაც.

ამიტომ, ექსპერტები ვარაუდობენ, რომ სამომავლოდ, ელექტრონულ გაჯეტებში თითოეულ მომხმარებელზე უფრო მეტი უნიკალური ინფორმაციის შენახვა გახდება საჭირო.