Aerosmith-ის კონცერტის დასრულების შემდეგ, თბილისში დასაბრუნებლად, „საქართველოს რკინიგზა“კიდევ ერთ დამატებით რეისს ნიშნავს

"აეროსმიტის“ კონცერტზე დასასწრებად მიმავალი მგზავრების თხოვნით, „საქართველოს რკინიგზა“ კონცერტის დასრულების შემდეგ, თბილისში დასაბრუნებლად, კიდევ ერთ დამატებით რეისს ნიშნავს.

როგორც "საქართველოს რკინიგზის" დეპარტამენტში აცხადებენ, მატარებელი „ბლექსი არენასთან“ მდებარე ახალი სარკინიგზო ბაქნიდან 01:50 საათზე გამოვა და თბილისში 06:30 საათზე ჩავა.

ბილეთები იყიდება როგორც ცენტრალური სადგურის სალაროებში, ასევე ელექტრონულად და სწრაფი გადახდის აპარატებით. "საქართველოს რკინიგზა" მგზავრებს მოუწოდებს იჩქარონ, რადგან ბილეთების რაოდენობა შეზღუდულია.

ამერიკული როკ-ჯგუფი Aerosmith საქართველოში, „ბლექსი არენაზე“ კონცერტს დღეს გამართავს.