სამგორში წყალარინების ახალი სისტემა მოეწყობა
კეთილმოწყობის საქალაქო სამსახური კაიროს დასახლებაში, გიორგი ლორთქიფანიძის ქუჩაზე, წყალარინების, საკანალიზაციო გარე ქსელის მოწყობის სამუშაოებს ახორციელებს.
როგორც თბილისის მერიიდან იუწყებიან, სამუშაოების ფარგლებში, 9 კილომეტრზე ახალი საკანალიზაციო ქსელი მოეწყობა, რომლითაც 600-მდე ოჯახი ისარგებლებს. საპროექტო ქსელზე რკინა-ბეტონის 308 ჭა მოეწყობა.
აღსანიშნავია, რომ მერიის ბიუჯეტიდან სამუშაოებისთვის 3 333 333 ლარია გამოყოფილი.
წყალარინების მოწყობის პროექტს კეთილმოწყობის საქალაქო სამსახურის დაკვეთით, კონტრაქტორი კომპანია შპს „ენსისი“ ახორციელებს.
პროექტი მიმდინარე წლის მაისში დაიწყო და ნოემბერში დასრულდება.