„თიბისი ბანკი“ ლონდონის საფონდო ბირჟის FTSE 250-ინდექსში შევიდა
„თიბისი ბანკი” ლონდონის საფონდო ბირჟის FTSE 250-ის ინდექსში შევიდა, - ამის შესახებ „თიბისი ბანკი“ იუწყება.
მათივე ინფორმაციით, ამ ცვლილების შედეგად კიდევ უფრო გაიზრდება „თიბისი ბანკის“ აქციებზე ხელმისაწვდომობა და შესაბამისად, ეს აქციების ლიკვიდურობაზე იმოქმედებს.
როგორც ბანკში აცხადებენ, „თიბისი ბანკის“ აქციები ლონდონის საფონდო ბირჟაზე 2014 წლიდან ივაჭრება, ხოლო ბირჟის პრემიუმ ლისტინგში „თიბისიმ“ შარშან გადაინაცვლა.
„FTSE 250 ლონდონის საფონდო ბირჟის მეორე უმსხვილესი ინდექსია, რომელიც აერთიანებს სიდიდით 101-დან 350-ის ჩათვლით არსებულ მსხვილ კომპანიებს“, - ნათქვამია ინფორმაციაში.