უამინდობამ მარტვილის რაიონის რამდენიმე სოფელი დააზარალა
ძლიერმა წვიმამ და უამინდობამ მარტვილის რაიონის რამდენიმე სოფელი დააზარალა. ადგილობრივები ხელისუფლებისგან დახმარებას ითხოვენ.
როგორც სოფელ ნაგვაზაოს მცხოვრებლებმა განაცხადეს, წვიმის შედეგად წყლის დონემ მოიმატა, რის გამოც 20-ზე მეტ ოჯახში წყალი პირველ სართულზე შევიდა.
მათივე ინფორმაციით, ასევე დატბორილია სახნავ-სათესი მიწები, განადგურებულია მოსავალი, დაიხრჩო წვრილფეხა საქონელი. ადგილობრივების განცხადებით, რაიონში აჟამად უამინდობაა, არაერთი შეტყობინების მიუხედავად კი, მუნიციპალიტეტის წარმომადგენლები ადგილზე არ მისულან.