რა ქონებას ფლობს დონალდ ტრამპი

აშშ-ის სამთავრობო ეთიკის საკითხთა სამსახურმა აშშ-ის პრეზიდენტის დონალდ ტრამპის 2016 წლის ფინანსური დეკლარაცია გამოაქვეყნა.

დოკუმენტის თანახმად, ტრამპმა ვაშინგტონში მდებარე სასტუმროდან 19,7 მილიონი დოლარის, ხოლო ფლორიდას შტატში მდებარე „მარ-ა-ლაგოს“ საკურორტო კომპლექსიდან კი 37,2 მილიონი დოლარის შემოსავალი მიიღო.

ასევე აღსანიშნავია, რომ ბედმინსტერში მდებარე გოლფის კლუბიდან დონალდ ტრამპმა 19,8 მილიონი დოლარის შემოსავალი მიიღო.

აშშ-ის პრეზიდენტმა დეკლარაციაში ასევე მიუთითა 7 მილიონი დოლარის ჰონორარი თავის წიგნებზე, აშშ-ის კინომსახიობების გილდიასგან მიღებული 84 ათასი დოლარის ოდენობის პენსია. სულ დეკლარაციაში დაფიქსირებულია ტრამპის შემოსავალი 565 სხვადასხვა ორგანიზაციისგან, რაც ჯამში 288 მილიონ დოლარს შეადგენს.

აღსანიშნავია, რომ ყველა ეს ორგანიზაცია დონალდ ტრამპმა ინაუგურაციამდე ერთი დღით ადრე დატოვა.

აქტივების სახით ტრამპმა 1,4 მილიარდი დოლარის დეკლარირება მოახდინა. პრეზიდენტის სავალო ვალდებულებები კი 315 მილიონ დოლარს შეადგენს.